నేత్రపర్వంగా సహస్ర దీపాలంకరణ - ముక్కోటి ఏకాదశి

Lord Venkateshwara Temple



స్వామివారి ఉత్తర ద్వార దర్శనం







Uregutunna Swami varu



 Asta Laxmi Temple - Adarshanagar



1008 దీపాలంకరణ శోభాయమానం



వెంకటాపూర్ లో స్వామి వారి కళ్యాణం

వెంకటాపూర్ గుట్టపై గురువారం కన్నుల పండుగగా శ్రీ వెంకటేశ్వరస్వామి కళ్యాణం అంగరంగవైభవంగా జరిగింది. ఉదయం ఆలయంలో నూతనంగా ధ్వజస్తంభాన్ని ప్రతిష్టించారు. పల్లకిలో స్వామి వారిని ఊరెంగించి వేద పండితుల మంత్రోచ్ఛారణల మద్య అలివేలుమంగ, పద్మావతిలతో కల్యాణాన్ని కమనీయం గా జరిగింది. కోరుట్ల ఎమ్మెల్యే కల్వకుంట్ల విద్యాసాగర్ రావు, మాజీమంత్రి జువ్వాడి రత్నాకర్ రావులు హాజరయ్యారు.

కార్తిక మాస దీపాలంకరణ

వేణుగోపాలస్వామి ఆలయంలో వికాస తరంగిణి ఆధ్వర్యంలో కార్తిక మాస దీపాలంకరణ

కోరుట్లలో ఘణంగా తిరు నక్షత్ర వేడుకలు

లోక రక్షకుడు, ఆపద్బాంధవుడు, కోరినకోర్కెలు తీర్చే శ్రీ వెంకటేశ్వరస్వామి జన్మ నక్షత్రమైన తిరు నక్షత్ర సందర్భంగా కోరుట్లలో శనివారం రోజున గణంగా నిర్వహించబడుచున్నాయి. మనసులో కోరినకోర్కేను తలచుకొని "108 ఆలయ ప్రదక్షిణ" చేయడానికి తెల్లవారుజామున నాలుగు గంటలకే వం.దలాది భక్తులు బారులు తీరారు. మహిళలు, విద్యార్తులు, యువకులు అధిక సంఖ్యలో పాల్గొన్నారు. సుప్రభాత సేవతో పాటు ఉదయం నుంచి రాత్రి వరకు హరి నామ సంకీర్తన మరియు ఆలయ ప్రదక్షిణ కొనసాగింది. వేలాదిమంది భక్తులు స్వామి వారిని దర్శించుకొని ఆశీస్సులు పొందారు.

కన్యా శ్రవణ సంజాతం కృపా వాత్సల్య సాగరం - వందే వాత్సల్య నిలయం కల్యాణ గుణ సాగరం

దివ్వెల పండుగ... దీపావళి...!

అందరి ఇంట దీపావళి వెలుగులు విరజిమ్మాలని, ఐష్ట ఐశ్వర్యలను, సౌఖ్యం సౌభాగ్యాలను కలుగాలని కోరుకుంటూ...

మలి సంధ్యలోను మరువని బోధన

విరామమెరుగని విశ్రాంత(Retired) ఉపాధ్యాయుడు లక్ష్మారెడ్డి... అభినందనీయులు

ఇటివల ఒక సందర్భంలో రిటైర్డ్ ఉపాధ్యాయులు సామ లక్ష్మారెడ్డితో మాములుగా మాటలతో ప్రారంభమైన పరిచయం, ఆయనలోని అకుంఠ దీక్ష, జాతీయస్థాయి ఉత్తమ ఉపాధ్యాయులుగా నిలిచిన వైనం, పదవి విరమణ పొంది ఎనిమిదేళ్ళు అవుతున్న జీవన మలి సంధ్యలో విద్యార్థుల్లో Play and Teach బోధన కొరకు low cost and no cost teaching aids తయారు చేయడం అబ్బురపరచింది ఆ అనుభవాలను మీతో పంచుకుంటున్నాను.
మాతృభాష బోధనలో పసి పిల్లలు అక్షరాల మద్య భేదాలను గుర్తించడానికి, ఉచ్చారణలో లోపాలు నివారించడానికి పొడి అక్షరాలు, సంయుక్త, ద్విత్వాక్షరాలతో బోధన ఉపకరణాలు 1500 వరకు తయారు చేశారు. వీటితో వారిలో భాష  భయాన్ని పోగొట్టి ఉత్సాహాన్ని రేకెత్తించి, ఇతర భాషలను నేర్చుకోవడం సులువవుతుంది. జాతీయ స్థాయిలో రాష్ట్రపతి ఉత్తమ ఉపాధ్యాయ పతకాన్ని, రాష్ట్రస్థాయిలో ఉత్తమ ఉపాధ్యాయుడుగా అవార్డుతో పాటు ముప్పై వరకు వివిధ పురస్కారాలు, బిరుదులు, సన్మానాలు అందుకొన్న ఈయనలో ఎక్కడ కూడా ఆ అహం కనిపించదు. ఇప్పటికి కరీంనగర్ జిల్లాలోని మారుమూల గ్రామాలలోని వివిధ పాఠశాలలకు వెళ్ళి ప్రాథమిక స్థాయి నుండి సెకండరీ స్థాయి విద్యార్థులతో పాటు (టి.టి.సి) డైట్, బిఎడ్ శిక్షణ ఉపాధ్యాయులకు అవగాహన కల్పిస్తున్నారు. సహజంగా కవి, గాయకుడైన లక్ష్మారెడ్డి పద్యాలు, పాటలు, గేయాలు, నాటికలు నేర్పుతున్నారు. సాంఘిక దురాచారాలపై పలు ప్రదర్శనలు ఇస్తున్నారు.

జాతీయ ఉత్తమ ఉపాధ్యాయ అవార్డ్ కృష్ణమకాంత్ నుంచి అందుకొంటూ...



రాష్ట్ర ఉత్తమ ఉపాధ్యాయ అవార్డ్ చంద్రబాబు నుంచి అందుకొంటూ...

గ్రామీణ ప్రాంత విద్యార్థులకు, ఉపాద్యాయులకు అవగాహన కల్పిస్తూ జ్ఞాన బోధనకు వయస్సు అడ్డు కాదంటూ ముందుకు సాగుతున్న సామ లక్ష్మారెడ్డి  పలువురికి స్పూర్తిగా నిలుస్తున్నారు. ప్రసుతం కరీంనగర్ లో నివాసం ఉంటున్న లక్ష్మారెడ్డిని (9948357595) అభిన౦దిద్దాం.  

పూలను పూజించే మన పండుగ బతుకమ్మ.... వీడియో

ప్రపంచ౦లో పూలను పూజించే ఏకైక పండుగ అంటే బతుకమ్మ పండుగ అనే చెప్పుకోవాలి. వివిధ మతాలలో, వర్గాలలో పూలు, పుష్పాలతో తమ ఆరాధ్యదైవాలను పూజించే అలవాటు ఉండగా, మన సంస్కృతిలో పూలనే దేవతగా గౌరమ్మగా పూజించడటం గౌరవప్రదం అభిన౦దనీయం.

రండి సాయి పుణ్యతిథి వేడుకలను తిలకించడానికి కోరుట్లకు రారండి

గల గల పారే సెలయేటి చప్పుళ్ళతో పచ్చని చెట్ల ప్రకృతి రమణీయత నడుమ నెలకొన్న సాయిరామ సన్నిది సౌభాగ్యాల పెన్నిధిగా విలసిల్లుతోంది. కోరిన కోరికలు తేర్చీ భక్తుల పాలిట కొంగు బంగారంగా విరాజిల్లుతోంది. కోరుట్ల పట్టణంలో అత్యంత వైభవంగా జరిగే 92వ పుణ్యతిథి వేడుకలను చూడడానికి రండి, సాయి ఆశీర్వచనాలు పొందండి. రెండవ షిర్డిగా పేరొందిన కోరుట్ల సాయిని 1990లో 20 ఎకరాల స్థలములో ప్రతిష్టించారు. ప్రతి ఏట దసరా పండుగ మరుసటి రోజు జరుగనున్న పుణ్యతిథి ఉత్సవానికి తెలంగాణ జిల్లాల నుంచి యాబై వేలకు పైగా భక్తులు విచ్చేస్తారు. ఉదయం కాకడ హారతితో ప్రారంభమై, ప్రత్యేక పూజలు, మద్యాన్నం అన్నదాన కార్యక్రమం ఉంటుంది.

ఘణంగా జరిగిన పుణ్య తిథి వేడుకలు

సాయిబాబాను దర్శించుకొన్న వేలాది భక్తులు

కోరుట్ల పట్టణ శివారున సాయి రామ నది తీరాన వెలసిన సాయి ని పుణ్య తిథి వేడుకల సందర్బంగా వేలాది భక్తులు దర్శించుకొన్నారు. సోమ వారం వాయుగుండం కారణంగా  చిరుజల్లులు పడుతున్న పెద్ద సంఖ్యలో భక్తులు హాజరయ్యారు.  తెల్లవారుజామున కాకడ హారతితో మొదలైన సాయి పుణ్య తిథి వేడుకలు ఆలయ సంకీర్తన, అభిషేకం, పతకరోహణ, పున్యవచనం, కలశాభిషేకం, విశ్వ కల్యాణ యజ్ఞం తదితర కార్యక్రమాలు రాత్రి వరకు దిగ్విజయంగా కొనసాగాయి. స్థానిక ఎమ్మెల్యే కల్వకుంట్ల విద్యాసాగర్ రావు తో పాటు స్థానిక ప్రముకులు హాజరయ్యారు. వేలాదిగా హాజరైన భక్తులకు అన్నదానం ఏర్పాటు చేశారు. భక్తులకు సౌకర్యార్థం అన్ని ఏర్పాట్లను చేశారు.

కోరుట్లలో శనివారంనాడు ఘణంగా నిమజ్జనం

 కోరుట్లలో శనివారం సాయంత్రం ఈతరం యూత్, సిటి కేబుల్ ఆద్వర్యంలో నిమజ్జనోత్సవం  ఘణంగా నిర్వహించారు. పట్టణంలోని వివిధ ప్రాంతాల నుంచి వేలాది ఆడపడుచులు భారీ వర్షాన్ని లెక్కచేయకుండా హాజరయ్యి కనుల పండుగా బతుకమ్మను మళ్ళీ రావమ్మాఅంటూ వీడ్కోలు పలికారు.

ప్రకృతి అందాలు చూడండి... అభినందించండి

మా మిత్రుడు ఎ.లక్ష్మి నర్సయ్య (స్కూల్ అసిస్టెంట్) పల్లె అందాలు, ప్రకృతి రమణీయతపై అద్బుతంగా చిత్రాలు  గీస్తాడు. సామాజిక స్పృహ కలిగిన చిత్రాలు వేయడమంటే ఎంతో మక్కువ. కరీంనగర్ జిల్లా కోరుట్లకు చెందిన తను ప్రస్తుతం గంబీర్ పూర్ ఉన్నత పాఠశాలలో ఉపాధ్యాయులుగా పని చేస్తున్నారు. గ్రామీణ చిత్రకారున్నిఅభినందించండి.

బాల్యాన్ని బంది చేయొద్దు... ఆడుకోనిద్దాం ఆనందంగా...

పిచ్చిక గుళ్ళతో కేరింతలు... గడ్డి వాముల్లోగంతులు...

ఆశల సౌదాలు

పడవలతో ప్రయాణం

కుప్పి గంతులు

చదువుల పేరిట బాల్యాన్ని బంది చేయకుండా ఆహ్లాదంగా, ఆనంద౦గా, స్వేచ్చగా ఆడుకోనిద్దాం. మోయలేనంత బరువులతో ప్రోద్దున ఏడు గంటలకే బస్సుల్లో బయలుదేరి, సాయంత్రం ఏడు ఎనిమిదిన్టికో ఆసారి పోయి ఇంటికి చేరుకుంటే మళ్లి హోమ్ వర్క్, స్టడీ ప్రాక్టీస్ అంటూ ఒత్తిడికి గురి చేసి, సహజాతాలను అణుగా తోక్కవద్దు. సెలవు రోజుల్లో ఆడుకోవడానికి అవకాశాలు (తగిన జాగ్రత్తలతో) కల్పిద్దాం. మంచి మూర్తిమత్వం గల పౌరులుగా తీర్చిద్దిద్దుదాం. గ్రామీణ క్రీడలను, పల్లె సంస్కృతిని పరిచయం చేద్దాం.